Dreamfull : Öyle bir gidiyorsun ki, Ömrümden ömür gidiyor...

 Täzeje
 Ahmet [off]
 13.12.2024 / 22:45

Ýürekdeş

Durmuşym erteki, döndüň şagyza,
Men bir aşyk, şahyryň-la ýürekdeş.
Kalbymdan syzylyp geçdi kagyza,
Sözlerim gelmedi dile ýürekdeş.

Göwnüm açlyşypdyr, dälem güň ýaly,
Ykbala bagt berdiň, çoýduň dünýämi,
Nurundan saralan ýüzüň Gün ýaly,
Bedeniň meňzeýär güle ýürekdeş.

Gidäýseň çydar.
Ýok!
Mydar ýok janda,
Kalba beg bolupsyň öň bolsaň anna:,
Ýetmeris saklansak, bagtymyz ho-onda,
Ýöräli el berip ele ýürekdeş.

Bu bir gudrat gökden ýere ýeteni,
Hakdan serpaýly biz ýeňsek sütemi,
Biz yşk bilen yşk biz bilen bitewi,
Men seň bilen sen meň bile ýürekdeş.




Ölmeli bolsam
Yşk diýenin öwrenip bor öýtmändim,
Saňa duşup öwrendim men söýmänem.
Dünýä boýdan başa gussa däl eken,
Ýaşap boljak eken munda köýmänem.

Agyr dertlerimi özüm okardym,
A häzir okaýar goşgymy Dünýäm.
Öň dünýäň sazyna başym ýaýkasam,
Tans edýär ajaýyp yşgyma dünýä.

Gözleňde görünýär geljegim aýdyň,
Göýä diýrsiň ýazylan deý basmaça.
Hemme zat düşnükli,
Düşnüksiz bary,
Asman, zemin tutuş barlyk başgaça...

Ýolundan azaşan çagajyk ýaly,
Biz ýöresek ha o ýana bu ýana.
Bagtam yzymyza düşüp ýör galman,
Indi onuň hossary deý biz,
ýöne
şonda-da bir hasrat çökse göwnüme,
Didäňdäki uçgunjyklar güldürer.
Eger men iru-giç ölmeli bolsam,
Sensizligiň gussalary öldürer.

Ahmet Arazow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!