yureksiz : Ilki günümizdäki ýaly bolaly. Ne sen meni tana. Ne-de men seni..#.fileo

 Gerekli
 yurekdes [off]
 16.12.2024 / 13:52
  Diller dymýan wagty, gözler gürleýä...

TAPYLMAZ

Ýakymly göwünler — ýakymly güller,
Ony ýaman diýip agzan tapylmaz.
Hasylyň gadyryn güýzde bilerler,
Gyşyň örküjinde harman tapylmaz.

Ata-ene göwnümiziň söýenji,
Tebigat beripdir bize bu genji.
Begençler içinde ene begenji,
Ene armany dek arman tapylmaz.

Synla ýatan daşy, synla daragty,
Bardyr egsik wagty, arzyly wagty,
Eger çyn göwheriň bolmasa bagty,
Ony gara şaýa alýan tapylmaz.

Bu dünýä şu syry bilinen dünýä —
Göni tary ilki ýolunan dünýä.
Gadymdn terezä salynan dünýä,
Şeýtan agajyny deňlän tapylmaz.

Keselden gorasaň, söz bilen gora,
Gülüp duran nurly göz bilen gora.
Eý, lukmanlar başy, galma azara,
Ynsan mähri ýaly derman tapylmaz.

Italmaz AKMYRADOW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!