BAYOGUL : Hakykat elmydama ýakymly däldir??? Her ýakymly sözem hakykat däl..?❤️‍?

 Gytyndan
 Baron [off]
 18.12.2024 / 16:11
 “Her setirim ruhumdaky ýaramdyr...”

Derdim aýdabilmän asmana-ýere,
Akar suwlar ýaly çagladym, eje.
Duçar bolup bir hudaýsyz dilbere,
Bagtymam ömürlik bagladym, eje.

Ulalyp, oňalman geçdim, nädeýin,
Çelgiler — çepbekeý, nirä ädeýin?!
Jöwzada azaşan çigildem deýin
Öz başymy özüm dagladym, eje.

Bir ýazygym bar öňüňde, mähriban:
(Bagyşla, göwnümde galmasyn arman...)
Hal-ýagdaýym soranyňda
Utanman,
men seni hemişe aldadym, eje.

Kim ýylgyrsyn Taňry çytana gaşyn?!
Aýypdyr erkege paş etmek ýaşyn.
A men syýa ga:ryp, ýüregmiň ýaşyn
Galamdan syzdyryp agladym, eje.


19:59. 09.12.2024ý.

Mary / Türkmenistan


©Taýmaz SEÝIDOW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!