Dreamfull : Ynam-bu hacanda sana "Esidyanmi senin onyny biri bilen gezip yorenini gordum" diyenlerinde "Yylyrak geyinipdirmi?" diyip jogap bermegindir!

 Gytyndan
 yurekdes [off]
 23.12.2024 / 00:46
  Diller dymýan wagty, gözler gürleýä...

Haçan?!

Men bahar hakynda aýdym aýtjakdym -
Ýaýlada açylman galypdyr gülüm.
Men ýarpy ýolumda yza gaýtjakdym,
Yza dolanmaga degmedi elim.

Men ýollaryň kötellerin saýladym,
Sowlup geçere-de pursatlar kändi.
Agras ýagdaýlarda ýeňles saýradym,
Çyn duýgulam biweç ýellerde tändi.

Menem gyşlar ýaly agras boljakdym,
Bahar gelip, açyldy bar seplerim.
Tamasyny ödemedim kilçikleň,
Ynjyklaň ýanynda gödek gepledim.

Hem meýdanda gözlemedim kömelek,
Biri alar diýip çemen besledim.
Şeýde-şeýde öz gümrama güýmenip,
Kyrka ýetdi günäsizje islegim.

Ýaşap ýörün mende-de bagt bar diýip,
Ýöne dogry zada dogry diýmeli:
Ömrüm ýele sowurdym bir ýar diýip,
Haçan ýaşamaly?
Haçan söýmeli?

Döwlet Orazsähedow

Teswir ýazmak üçin Içeri giriň ýa-da Agza boluň →!