Edep-ekram, utanç-haýa, namys-ar....

Täzeje
Rabiya [off]

Şugün, 15:16

Edep-ekram, utanç-haýa, namys-ar...
EDEP-EKRAM, UTANÇ-HAÝA, NAMYS-AR..

Bu gezegem köpçülik bilen awtobusa münüp dogduk obama sary gezelenje çykdym. Awtobusyñ oturgyçlary gelin-gyzlardan, her hili ýaşdaky erkek kişilerden doludy. Duralgada saklanan ulaga ýetmişiň onunden giren bir zenan mündi. Ol münenden töweregimde oturan gyzlara seredip gobsunyp başladym. Emma gyzlar ýerinden gozganarly däldi. Men özümden uly ýaşly zenana ýer berip, dik durup barşyma göwni bir ýaly bolup oturan gyzlara seredip oýlanyp başladym:
"Göräýmäge aý ýaly, bir eýjejik gyzlar. Bu gyzlaň gözelligi ýaly edep-terbiýesi hem bolaýsady käşgä. Ulagda kyrk, elli, altmyş ýaşlaryndaky adamlar dik durup barýarka bular nädip oturup bilýärkä..."
Şol barmana ulag duralgada saklandy. Bir ýaş ýigit sürüjä pul deregne kagyz görkezdi. Kagyz "Maýyplyk haty" bolmaly. Sürüji uly goh edip gygyrmaga başlady: " Bu hatyň ýany bilen paspordyňy görkez. Bolmasa men bu hatyň kiminkidigne ynanmaýaryn." "Maýyplyk haty"-ny görkezen ýaş ýigidem ondan kem galardy däldi. Ol sürüji bilen deň sanaşyp ulagdan düşdi. Men bu ýigide ýiti nazar bilen seredip galdym. "Maýyplyk haty "-ny görkezip dursa entirekläp barýan maýyp ýigidi görjekdim. Emma ol otuz ýaşlaryndaky men diýen jahyldy. Onuň gözünde-ýüzünde, synasynda göze görnüp duran hiç hili kemçilik ýokdy. Sürüjiniň gepine gep urşuna seretseň onuň akylyndada kemçilik bara meňzemeýärdi. Belki onuň "Maýyplyk haty"-ny almagyna içki synasyndaky kemçilikler sebäp bolandyr. Ýöne onuň ýan ýodadan ýöräp barşy-da juda sagdyndy. Ýorände dabanyndan ot çykýardy...
Ýene-de oýlanyp başladym. Özüme ýürekden kemçilik sebäpli "Maýyplyk haty"-ny almagy teklip edenlerinde ör-gökden gelşimi ýatladym. Hassalygy boýnuma alman, Allahyň eradasy bilen doly diýen ýaly sagalyp gidenime begendim. Emma, 1 manatlyk ýol tölegi üçin sürüji bilen geýnüwli ýaş ýigidiň arasyndaky bolan gürrüňler meni juda gynandyrdy. Bir manat üçin, ençeme adamyň öňünde bir-birine aýdan paýyş sözleri üçin, bularyň erkeklik mertebesi juda pese gaçypdy.
Ençeme gussaly oýlanmalary arkama ýükläp şäher merkezinde ulagdan düşdüm. Men ýene-de etrap merkezine gidýän ulaga mündüm. Bu ulagda garşymda oturan görmegeý gelin, onuň göz monjugy ýaljak gyzjagazy we ogly meni öňki münen ulagymdaky gören zatlarymdan az-kem daşlaşdyryp başlady. Sebäbi görmegeý gelniň balajyklarynyň başyny sypap oturşy juda ajaýyp görnüşdi. Bulary synlap guwanyp oturşuma görmegeý geline jaň geldi. Guwanç bilen synlap oturan gelnimiň telefonuň aňyrsyndaky kişi bilen etýän gürrüňi meni serpmeden gaýdan ýaly etdi. Gulagymyň eşidýän zatlaryna ynanasym gelmedi. Emma, bu hakykatdy. Bulaň gürrüňi "oýnaş" gürrüňidi. Gelin aňyrdaka ýaranjaňlyk edip, bihaýalyk bilen gülýärdi. Meň bolsa bu gelniň many bilmez çagajyklaryna seredip kalbym aglaýardy.

Edep-ekram, utanç-haýa, namys-ar.
Siz nirede kalbym sizi küýseýär.

Bu: Gumlygelin

Özümiziňki
Fantom [3m]
Iň uly baýlyk, bar zadyň bilen kanagatlanmakdyr.
Şugün, 20:26

+0

Berekella, gowy ýazylypdyr...
Maýyplyk haty barada mende näçe diýseň gürrüň kän, ýöne käbirlerni gürrüň bersem özüm utanýan olaryň boluşyndan. Dogry, durmuş diýeniň oýunjak däl, kömege mätäçlere kömek etmeklik bu gowy zat, emma, ol adamy gowja tanamaklyk örän wajyp bolsada adam newsi agyryp berýädä... Elbetde kabul bolsun o adamlaryň sadakasy... Meň bu ýazanyma ýalňyş düşinäýmäň, Sadaka bermeklik, müň belany başdan sowarmyş, emma herhili adamlaryň bardygyny size ýene bir ýatlatjak boldum.

Birini tanaýadym, gündiz wagz nesihat edip öwlýälere gelýän adamlardan käään zat alardy, ýäni, nalan bolup wagz nesihat eden bolup, aý garaz gowja pullanyp, ijek işşegi bilen öýne ýüklenip gelýärdi... Agşam öýne gelensoň haý bir şagal meslik bolýandyr, sen goýaý... Gürrüňi uzaldyp oturmaýyn, soň ol adam kellesi üýtgäp ýatan ýerine täret etýän bolup kösenip-köseniiip dünýesini täzeledi.
Diýjek bolýanym, her bir işiň jogapkärçiligi bardyr... Eliň bilen edeniňi, egniň bilen çekersiň diýmänmidimi nä köneler?!

Ýene 3 4 adamy tanaýan, biri tiptokda gün görse biri metçitlerde aýlanýar.
Garaz, sen ak ýürek bilen bir kömek etseň yzy bilen durmuş hasaplaşar, seň bilenem, oň bilenem...
Aý tema üýtgäp gitdi ýalyla...

Forum | GÜRRÜŇDEŞLIK | Erkin mowzuklar

Ertir.ru çat barada pikirler

Edep-ekram, utanç-haýa, namys-ar.

Men seni hiç kime beresim gelmez.

Pikirleshyas

Haýsy aýdymda wals ederdiňiz?

Edep-ekram, utanç-haýa, namys-ar.

Edep-ekram, utanç-haýa, namys-ar.

Ertir.ru çat barada pikirler

Edep-ekram, utanç-haýa, namys-ar.

Edep-ekram, utanç-haýa, namys-ar.