Kömek gerek 1 | YekeTak.Ru

Özümiziňki
Gerceknazar [off]

04.01.2025 / 09:45
Kanagatly bende baýdyr soltandan

Salam , ýürekdeş saýtynyň myhman hem-de agzalary , gymmat hem-de arzanlary, hem gybatda agzanlary ! "Adam adama mydama mätäçdir" diýlişi ýaly bu gün sizden şeýle haýyşym bar. Araňyzda bilýäniňiz bar bolsa aýdymçy Aşyrmämmet Durdyýewiň telefon belgisini ýazaýyň. Köpçülikde paýlaşmak islemeseňiz şahsy hatyma ýa-da +99365228952 telefon belgime sms ugradaýyň.

"Aşyrmämmet Durdyýewiň telefon belgisini başyňa ýapjakmy ?" diýen sorag ýüze çykdy. Ol sowala giňişleýin jogap bereýin.

Biler bolsaňyz ýaňy-ýakynda "Aşyk men" atly täze ýyl kinosyna meniň goşgumy goýupdyrlar. Şojagaz ýerini gysgajyk gür bereýin .

Kinoda Aşyrmämmet Durdyýew halaýan gyzynyň telefon belgisini alýar we oňa telefon arkaly öz söýgüsini beýan etmek isleýär. Uzak wagtlap oýlanyp gyza ahyry şu goşgy setirleri arkaly öz söýgüsini sms ýazyp beýan edýär.

"Men saňa söýgümi aýdaýyn nädip?
Günler geçip barýar ömrümden gädip"

Şu setirleri sms ugradyp oglan gyza söýgüsini aýan edýär. (Bu goşgy setirlerim aýdym edilip hem aýdylýar) Gyz goşguny okap şeýle jogap ýazýar.

"Çagajyklar oýnamaga çykdylar,
Çykdylar "Hezillik gar ýagýar"diýip.

Şu ýerde gyz oglanyň söýgüsini kabul edip oňa söýgi barada goşgy ýazman awtoryň (ýagny meniň) tebigat barada ýazan şygyr setirlerimi ýazyp jogap berýär. Oglanam bada-bat goşgunyň yzyny ýazýar.

"Şatlandylar, begendiler, bökdiler,
"Asmandan zemine nur ýagýar" diýip.

ýazyp yzyndan "Şahyr Gerçeknazar Amannazarowyň goşgusy" diýip awtoryň adyny getirýär. Gyz hem:

"Hawa, şol şahyryň goşgularyny menem gowy görýän. Çagalygymdan bäri halap okaýan" diýip ýazýar. Şeýdip olaryň sözleri alyşyp gidýär we soňunda gowuşýarlar.

Men ýaly ýönekeý kişä uly hormat edip goşgularymy kino goýanlygy üçin kinony ýazan ssenaristlere , artistlere , rejesýora köp-köp sag bolsun aýdýaryn. We şolar bilen has ýakyndan gatnaşmak maksady bilen sizden kömek soraýaryn.

Şol sahnany oýnan oglany Aşyrmämmet Durdyýewi tanaýan, şonuň üçin şoň telefon belgisini soradym sizden. Jaň edip minnetdarlyk bildirjek. "Aşyk men" atly kinony ýazanyň kimdigini , artistleriň kimdigini we şolaryň telefon belgilerini ýazsaňyz sizden hoşal bolardym , eziz ýürekdeşler!

193

Premium

Belki [off]
Ýaşaýyş-- düýş! Sen meň düýşüme girdiň!
04.01.2025 / 11:19

+1

Türkmen owazdaky kino dalmi? Rustem Hally bar, Eldar Ahmedow bar, Zuleyha Kakayewa bar, gyzlary tanamok.
Tuweleme, gowy zat. Romanticniy epizodlar eken solar. Pylanyn nomeri dip gyz oglana nomer beryar. Olam oz nomeri eken. Son sms yazysyalar dine. Sizin gosgynyzy aydyan yerin-a gormedim sonuraklaryny gordum.Haysy pasly halayan zat dip yazysyalar.

Özümiziňki
Gerceknazar (04.01.2025 / 16:29)

Belki, hawa, şol kino. Ady "Aşyk men" bolmaly.

Täzeje
AnSeBox (04.01.2025 / 22:52)

Belki, kinoda gornenok gerceknazar diyen yeri sakallash.

Täzeje
daliim [off]
04.01.2025 / 11:26

+1

Tuweleme gafy begendim yenede ustunlik yone mena bilemok nomerlarny. Instagrama giryan bolsanyz so taydan tapyp bilersiniz atlarny yazsanyz cykyqn bolmaly. Ustunlik dileyan yenede