Aypipijik : Sadalyk, yagsylyk we dogrulyk bolmayan yerde BEYIKLIK yokdur

 Gytyndan
 Baron [off]
 10.01.2025 / 22:11
 “Her setirim ruhumdaky ýaramdyr...”

Ot basmaga gitsek kakamjan bilen,
Bar zat öz-özünden bolar barardy.
Mesaýy oturan ýalydyr welin,
Atyz-atyz oty bogar barardy.

Kakam her bir işe juda ezberdi,
Döwlen ulaglaram ýörederdi ol.
Arly gyşam gydyrdanyp ýörşüne,
Tomsuň güni ýaly gara-derdi ol.

Päli pes, göwni giň adamdy kakam,
Başlan her bir işin aýaklardy ol.
Ýöne ejiz gelse, bar işin taşlap,
Döwülen göwnüni seýiklärdi ol.

Pamyk deý tämizdi kakamyň göwni,
Ýüzünden görnerdi ýüregindäkem.
Gitmeli bolandyr, ýogsam-a bizi
Hiç mahalam goýup gitmezdi kakam.


©Suraý BABANYÝAZOWA

Teswir ýazmak üçin Içeri giriň ýa-da Agza boluň →!