Diamante_08 : Kara kalem resim yapmayı seviyorum. Çünkü kimin ne renk olduğunu hala çözemedim.#Diamante

 Gytyndan
 Sebap [off]
 22.01.2025 / 22:55
 Lekum dinukum we liýe din

Bilbilem, ahy-zar çekip,
Täze gülzardan aýryldym.
Gözden ganly ýaşym döküp,
Ol söwer ýardan aýryldym.

Ýara ýaraşar sürmeçe,
Sypatyn söýlärem ança,
Lebi şeker, agzy gunça,
Zülpi garadan aýryldym.

Şirin janda ýokdur takat,
Jebri anyň jana rahat,
Gaşlary pitneýi-apat,
Çeşmi hunhordan aýryldym.

Aýryldym gunça-gülümden,
Syýa saçy sünbülimden,
Hoş owazly bilbilimden
—Şirin güftardan aýryldym.

Däli köňlüm arzymany,
Külli gözelleriň hany,
Sekiz jennetiň bostany,
Bakjaly bardan aýryldym.

Illeri bar diňli-diňli,
Sowuk suwly, ter öleňli,
Ili — gökleň, ady — Meňli,
Näzli dildardan aýryldym.

Magtymguly, aşyk mestan,
Bagladym şanyna destan,
Menzilgähi bag-u bostan,
Almaly nardan aýryldym.

Awtory: Magtymguly Pyragy

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!