BAYOGUL : Abraý agyr zat ýeñil gyzlar götermez ?

 Özümiziňki
 Hyyalbent [off]
 27.01.2025 / 23:43

Gel, bir dünýä guraly serhedinde wysalyñ,
Kesişmeýän ýerinde kine bilen göwünleñ.
Bark ursun yşkyñ ysy baky bahar mysaly,
Zeñlemesin kükregi zarbasyna döwürleñ.

Iñ bir şirin duýgular tutsun onuñ diregin,
Aýryp gyra zyñaly ýigrenç bilen gahary.
Agy bilen girmesin gapysyndan gireni,
Gözýaş bilen gümana ýuwulmasyn säheri.

Maddy zatlar tutmasyn ynsanlygyñ öwezin,
Sumat bolsun aradan tanyş-biliş gymmaty.
Mähriñ, ähtiñ, mertebäñ, ukyp bilen höwesiñ,
Alkymynda baş egsin şo mekanyñ ymmaty.

Dünýäñ eñki agypdyr, eleşan oñ bar ýeri,
Uruş, gazap, nala hem gam tutupdyr kellesin.
Kanuna däl kalbyna siñsin tämizlik ýeli,
Gel bir dünýä guraly, onda hiç kim ölmesin.

Aşyr Hanow

Teswir ýazmak üçin Içeri giriň ýa-da Agza boluň →!