BAYOGUL : Gapa ýetipdir boýum haçan bolarka toýun ?

 Özümiziňki
 Hyyalbent [off]
 28.01.2025 / 22:41

Sen gyýylma ykbalyma, eje jan,
Dilgir-dilgir bakma gara gijäme.
Gurban men bir kile nabada biten
Göwnüňe hem gubar tutan didäňe.

Hoşlaşmaly boldy harplygym bilen,
Şol günler hüwdiň deý oňatdy weli.
Dulugma doňduryp şarpygy bilen
Durmuş çagalykdan oýatdy meni.

Gögüň ýyldyzlaryn soraýan günlem
Ýitip gitdi hol aňyrda öwrümden.
Indi soňsuz sowallarym ýok meniň
Hem gorkamok ertekileň döwünden.

Gorkýan ýüregimde galpyldy bolup,
Duýgyň köňle çökjek pajygasyndan.
Sowuk, soluk, ýowuz, öt aýralygyň
Bagtyň nämedigni ýatlatjagyndan.

Goý, men ýüregimi ýakaýyn, eje,
Menden soň-soňlaram oňa kän kişi
Göwnün goýsa, köňlün çoýsa, şahyryň
Şondan uly näme bagty barmyşyn?!

Täleýiň deý jaýryk-jaýryk hem gaty
Ýetirme maňlaýňa gamly aýaňy.
Eje, umytlarmyň sakçysy sen, hem
Dünýäň meni söýen ýalňyz aýaly.

Gurbandurdy Orazow

Teswir ýazmak üçin Içeri giriň ýa-da Agza boluň →!