Ýalan söýgä ynanyp, gezipdirin begenip...

Betinden
Sebap [off]

09.02.2025 / 21:53
Lekum dinukum we liýe din

Bir döwürler Rejep atly bir ýigit ýaşapdyr. Rejep işini täze başlap, durmuş ýoluna aýaly Aýjemal bilen bilelikde gadam basypdyr. Rejep bilen Aýjemal durmuşyň başyndaky kynçylyklara garamazdan, biri-birine ýakyn bolupdyrlar. Aýjemal, Rejebiň her bir ädiminde ýanynda bolup, onuň bilen bilelikde ähli kynçylyklara döz gelipdir. Olar hatda agşam naharlarynyň az bolanyna, sowuk günlerde ýyly lybaslarynyň ýeterlik bolmandygyna hem asla parh bermändirler. Sebäbi olaryň ýüreklerinde biri-birine bolan söýgi we ynam ähli zorluklary ýeňip geçmäge güýç beripdir.

Günleriň birinde Rejepiň işi ugruna düşüpdir, ol üstünliklere ýetip, öýe köp pul getirmäge başlapdyr. Onuň at-abraýy ýokarlananda, töwereginde başga zenanlar peýda bolup başlapdyr. Bu zenanlar, diňe Rejebiň puluna göz dikip, oňa ýürekden söýen bolan ýaly hereket edip başlapdyrlar.

Günlerde bir gün Rejep öýüne giç gelipdir, şeýle zenanlaryň biri bilen geçiren wagtynyň täsiri ýüregini agyrdypdyr. Ol otagynda ýeke oturyp, Aýjemalyň täze geýen ýönekeý köýnegine göz gezdiripdir. Ol köýnek düýbünden täze däl, köne ýöne Aýjemalyň tikendigi üçin gymmatlydyr.

Şol pursatda Rejebiň ýüreginde duýgy tolkunlary emele gelipdir. Ol özüni baýlyga, täze zenanlaryň aldawlaryna aldanyp gitmekden saklap, Aýjemalyň mährini we wepasyny gymmatyny has-da çuňňur duýup başlapdyr.

“Ol baýlykdan öň menden ýüz öwürmedi, ol kyn günlerde hem meniň ýanymda boldy” diýip, Rejep çuň duýgulara batypdyr. Rejep, soňky netijede, söýgüniň diňe baýlykdan has ýokary we gymmatdygyna göz ýetiripdir. Ol diňe Aýjemal ýaly çyn söýgüniň we wepalylygyň durmuşyň hakyky baýlygy bolandygyny düşünipdir.

Rejep, şol günlerden başlap, Aýjemalyň gymmatyny her geçen gün has gowy düşünip, ony hemmetaraplaýyn goldapdyr. Onuň baýlygy artýan wagty, o, bu baýlygyň diňe Aýjemalyň yhlasy we sabry bilen gazanylan bir zatdygyna doly göz ýetiripdir.

Şol günden soňra, Rejep oňa gelen her zenana diňe şunuň bilen jogap beripdir: “Siz meniň kyn günlerimde ýanymda bolmadyňyz, meniň hakyky baýlygym, meniň bagtym Aýjemalymdyr.” Ol bu sözleri aýdanda, ýüreginiň rahatlyk we hoşallyk bilen dolandygyny duýupdyr. Şeýlelikde, Rejep öz durmuşyň iň uly baýlygyny, hakyky söýgüsi bilen bilelikde gorap saklapdyr.

Diňe hekaýadyr awtory ýok
Alnan ýeri-Atawatan