BAYOGUL : Yüregim ýa señ bilen ursun ýada ömürlik dursun ??

 Betinden
 Sebap [10s]
 10.02.2025 / 22:49
 Lekum dinukum we liýe din

– Alaç tapylar…

– Aýt mama jan!

– Enäniň süýdüni bulaşdyrmaly…

Her nämä garaşsa-da, beýle söze gaýry pälwan garaşmadyk borly, onuň sesi süýgüp çykdy.

– Nädip?

– Ony nika – göz nikasyna ulaşdyrmaly…

Men tisginip gitdim. Göz nikasy hakynda eşidipdim. Hemişeler duýgusy hiç bir närsä üýtgemedik – göz nikasyna ulaşmadyk gyz maşgalany, derdiniň nämedigini bilip bolmaýan näsagyň üstünden üç ýola ätlederdiler. Şonda hassa aýak üstüne galardy. Bi gyzyň dünýäde gaty arassa, bolmalysy ýaly ýaşandygyny aýdýardy. Bu ýörelge inçedenem inçedi. Men ysytma tutýan ýaly süňňümi saklap bilmän gagşaýardym. Öýüň içindäki hümürdi bolsa barha ysgynymy gaçyrýardy.

– Ýüregim agzymdan çykyp barýar, aýtsana çaltrak…

– Aýal hemişe aýaldyr. Onuň ejiz ýeri köp bolýandyr. Sen atyňy mazaly suwsadyp, onuň suw almaga barýan wagtyny peýläp guýa bar. Bagtyňa atyň kişňäýse-hä ne ýagşy. Ýekeje ýola gabagyny galdyrsa ýeterlik. Onsoň süýt bulaşar… Süýt bulaşsa-da, mukaddeslik gider…

Men ötlämi, beýlekimi unudyp, Gysyremenlere eňdim. Barybam onuň ejesine ertirem, birigünem, soňky günem, indi gaýdyp hiç haçan guýa suw almaga barmazlygy özelenipler tabşyrdym. Ýöne boljak zada çäre bolmajak eken. Elbetde, ozalynda şeýle bolmalydyr-da.

Gyrly pälwan gerek wagty guýa bardy. Gysyremeniň ejesem atyň kişňemesine maýyl bolup gabygyny galdyrdy. Ana, şolam ýeterlik boldy.

Ýekeje ýola gabagyňy galdyrmak – dünýe giňem bolsa ýörelgeleri inçe. Biz panynyň inçeden-inçe syrlaryna, mukaddesden mukaddes ýollaryna üns bermän ondan – dünýäden gaty köp zat tamakin bolýan ekenimiz. Ilki onuň – dünýäniň ýazylmadyk buýruklaryna tabyn bolup, onsoň tama etmelidigini bilmeýän ekenik. Kimdir biriniň – halatly bendäniň aramyzdan çykmagy üçin juda seresap ätlemeli ekenik…

Soň ýene obamyzda toý boldy. Gysyremen göwnibir ýaly enesiniň ýanyna baryp, öňki endigine eýerip, göreşe hyýallandy. Ýöne ýaş aýlanmadan ýaňa çygjaran gözleri bilen oglunyň ýere ynamly basýan güýçli aýaklaryna sereden ene, ökünçli hasrat bilen şeýle diýdi:

– Gitme…

Awtory: Öwezmyrat Ýerbendi

Teswir ýazmak üçin Içeri giriň ýa-da Agza boluň →!