Premium
 Belki [off]
 16.02.2025 / 14:52
 Kupa kızı, sinek valesi ❤️

Söýgüniň ykbaly

Sen meniň ilkinji ogşan gyzym däl!
Belki, menem seniň ilkinji gezek.
Humaý gözleriňi süzüp sereden
Şol bagtyýar ýigdiň däl bolsam gerek?!

Hil-hil bolýan borly söýgiň ykbaly,
Ýogsam, öz ýanymdan özgäň bagtyna
Guwanyp,
buýsanyp, ýanyp ýörmezdim
Gysga ömrüň sensiz geçen wagtyna.

Ýigitler ýüzüňe ýylgyran çagy
Ýersiz-ýere gahar edip-gabaryp,
Öz-özümi gynap ýörmezdim beýle,
Her ýetenden geçmişiňi gabanyp.

Hil-hil bolýan borly söýgiň ykbaly,
Kimler üçin agyr, kim üçin ýeňil?!
Şu güýjüň öňünde ýegşerýär, ynha,
Ömür baş bermedik bu däli köňül!

Boýun alýan indi: şol gara gözleň
Geljegi ykbalym, geçmişi gaýgym.
…Sen meniň ilkinji ogşan gyzym däl,
Sen meniň,
Sen meniň ilkinji söýgim!

Tirkeş Sadykow

Teswir ýazmak üçin Içeri giriň ýa-da Agza boluň →!