Pechine : Hiçbirzat sebâpsiz dâldir. Her işde bardyr bir haýyr. Barybyr ýalançy bu dünýe, geçiji dünýe.#ýyldyz

 Özümiziňki
 Fantom [off]
 Düýn, 21:51
 Iň uly baýlyk, bar zadyň bilen kanagatlanmakdyr.

Ýagyş ýagan güni. Aglady köçe,
Gör-ä, üst-başy-da ezlen süllümbaý.
Köçe hem-de jaýlar... diňe asmanda
Ezilmän, gizlenip otyr gülgün Aý!

Ýagyş ýagan güni aýagy gijän
ulaglar bir ýere howlugýardylar.
Utanyşyp, bir gyrada gyzaran
güller gunçasynyň böwrün ýardylar.

Ýagyş ýagan güni.
Hawa, şol güni
Asyl-ha, çykaryp bilmen ýadymdan.
Duralgada saýawansyz gözele
Ýer beripdim öz saýamdan, ýanymdan.

Ýadymda, näzijek dem alşyna çen,
Başyn salyp, utanjyrap durşy-da.
Bir söz diýseň, guş deý uçaýjak göýä,
Üýtgedi bu ýüregimiň urşy-da.

Şol pursat bagtlydym, ýagan damjalar
ýerde diriň-diriň bökjekleýärdi.
Göýä saýawanam öz saýasynda
Bize şatlyk, söýgi... wada berýärdi.

Sen gitdiň, şeýle bir aglady asman,
Telbe bolan yşgym essinden agdy.
Elim saýawanly, egnim öl-myžžyk
Şol gün ýagyş ýagdy, şeýle bir ýagdy...

Teswir ýazmak üçin Içeri giriň ýa-da Agza boluň →!