Durmuş hakda ýazmajak bolup, Durmuş hakda.....

Yurekdesh.ru saýtynyñ android programmasy
Yeketak.ru - ýenede siz bilen

Ýürekdeş sözler!

Uff ýadadymouu ALLa bar #eren

Forum | GÜRRÜŇDEŞLIK | Erkin mowzuklar

Durmuş hakda ýazmajak bolup, Durmuş hakda..

Gytyndan
Aypipijik [off]

04.02.2024 / 21:31
#Pubg🫀🔫))

Irden turup gara kofeñ badyna,
Galam alyp bir-iki bent ýazaýyn.
Söýgi,durmuş,dostluk atly ummanlañ,
Aýdyñ dostlar haýsysynda ýüzeýin?

Söýgi ummanynda ýüzeýin diýsem,
Ýüzüp ýören müñ däl,milýon ekeni.
Düýnjek süýdi taşlap,çörege başlan,
Çaga “Şöýýän” diýip bilýän ekeni...

Durmuş ummanynda ýüzeýin diýsem,
Sakçylar ol ýere ibermediler.
“Entek irräk geldiñ dolan yzyña,
Ýeke özüñ gark bolarsyñ”diýdiler.

Dostluk ummanyna geldim-de ahyr,
Dowam ediberdim şonda ýüzmegi.
Şeýdibem bu günki ýazyljak şygry,
Makul bildim dostlar hakda düzmegi.

Çagalykda oý:njak oýnan dostlarym,
Görýän welin durmuş oý:njak däl eken.
Ondaky kynçylyk ondaky hupbat,
Duýdansyz ten ýyrtan gyýlçak ýaly eken.

Çagalykda sahna oýnan dostlarym,
Görýän welin durmuş sahna däl eken
Onda komedýany ornatjak çagyñ,
Tragedý:a atyp taşlaýan eken...

Çagalykda bakja gatnan dostlarym,
Görýän welin durmuş bakja däl eken.
Munda terbiýeçi juda rehimsiz,
Duýduryşsyz göni gapjaýan eken.

Garaz gaýgy,gülki hereket bilen,
Töläp barýas geçen günleriñ muzdun.
Isleýşiñçe ýaşap,ýazyp bileñok,
Bu goşgynam şoña göräräk düzdüm