Täzeje
 Zehin [off]
 Şugün, 08:49

Agyr günler köp bolanda,
Gözlerime ýaş dolanda,
Ýagty günlerim solanda,
Maňa sabyr ber, Allahym!

Ýalan sözler bagry dilse,
Ýakynlarym maňa gülse,
Gaýgy mende üstün gelse,
Maňa sabyr ber, Allahym!

Ýagty günler ýene geler,
Şonda ýürek çyndan güler,
Kynçylyklar geçip gider,
Maňa sabyr ber, Allahym!

Dost men diýen ýüz öwürse,
Eziz dogan ýüzbermese,
Hiç zat elimden gelmese,
Maňa sabyr ber, Allahym!

Diňe saňa sygynýaryn,
Çyn ýürekden ýalbarýaryn,
Daňdanlary oýanýaryn,
Maňa sabyr ber, Allahym!

Daň şapagy atar bir gün,
Kynçylyklar öter bir gün,
Agyrylar biter bir gün,
Maňa sabyr ber, Allahym!


Ýalňyzlygym bagrym iýýär,
Synagdygyn köňlüm bilýär,
Bu giň jahan dar görünýär,
Maňa sabyr ber, Allahym!

Gurbanmämmet Meredow.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!