Özümiziňki
 Vector_Pro [3s]
 Şugün, 07:25
 Köçe Mekdebi. Ynam däl, kynçylyk öwretdi.

Duşuşanmyz taryplamak gerek däl,
Tarypdan has gözel günlerdi olar.
İkimizi söýgi bilen gereklän-
Bagta ýetmek üçin münberdi olar.

Çemen bogup çep tarapyň adyndan,
Gursaga paý düşdi yşkyň odundan.
Yza galyp pasyllaryň badyndan,
Ukusyz geçirlen günlerdi olar.

Sekuntlara daňyp hepde-aýymy,
Hyýallaryň ýelek kimin gaýany.
Ýalançy dünýäni ýalan saýany-
Täk ikimiz üçin çynlardy olar.

Ýakyn bilip örtenmäni, köýmäni,
Unudardyk günortany, öýläni.
Söýgümiziň damaklarda gaýnany-
Gaýtalap bolmajak heňlerdi olar.

Giň boldumy hyýallaryň gerimi?!
Gaýgy tutdy şatlygmyzyň ýerini.
Bagtyň deregine peşgeş bereni,
Yşgymyzdan galan nemlerdi olar.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!