Täzeje
 Zehin [off]
 27.05.2025 / 22:13

Adam başy walla gaty eken da:şdan,
Gatam bolup bolmaz has beter da:şdan,
Meň ýüregimem etden däl ahyr da:şdan,
Aglamaň diýmäň, siz başaryp bilmen.

Kä pursady saklap, käte gyssasym,
Gelýär ýüregimi aýap saklasym,
Erbet myrat tapmanlygy yhlasym,
Toý lybasyn geýip bezenip bilmen

Ýyllaň hakydasy galdy didämde,
Käşge gansam yşk mährinden kepämde,
Emma bir uly daş durka, ýeňsämde,
Gülüp ýaşamagy başaryp bilmen.

Ýat bolşuny gorsem dost men diýeniň,
Kürte atyp gitse hut düýn söýenim,
Sessiz aglamakdan halys ýüregim,
Irdi mundan artyk ýaşyryp bilmen.

Men biçäre isläp ýatlanarymy,
Isleýänem dälsiň ýatlanaryňy,
Poslap giden süýji ýatlamalary,
Siňip giden kalpdan öçürüp bilmen.

Gara saýmaň gowluk meniň niýetim,
Başa döwlet bolar yagşy niýetiň,
Gelýär welin köp zatlary diýesim,
Bir dessan ýazsamam gutaryp bilmen.
 
Gurbanmämmet MEREDOW.

Teswir ýazmak üçin Içeri giriň ýa-da Agza boluň →!