BAYOGUL : I'm quiet but not blind Sessizdirn ýöne kör däl

 Täzeje
 Zehin [off]
 29.05.2025 / 12:40

Meniň ýüwrek ýeller bolasym gelýär,
Ýeller bolup ýaňagyndan sypasym,
Seni golaýymda duýasym gelýär,
Gelýär golaýyňdan seni synlasym.

Ýeller bolup şaçlaryňy darasam,
Gülleň ysyn alyp gelsem ýanyňa,
Dogry düşün käte gazap darasam,
Mukam bolup öwüsdigim şanyňa.

Penjiräňden bakyp aýly gijeler,
Rahat gijeleri arzuw ederin,
Saňa doly gursakdaky söýgimi,
Ýeriň ýüzne surat edip çekerin.

Haýyrly säherler diläp erteler,
Şat güneşiň doguşyny buşlaryn,
Maňa gyzygy ýokdur özge ülkeleň,
Parhy ýokdur maňa bütin ýer şaryň.

Gussa batsaň, şat owaza öwrülip
Seniň gulagňa, çawuş çakaryn,
Süpürip ýollaryňdan ähli zatlary,
Seň önüňden güller bilen çykaryn.
 
Gurbanmämmet MEREDOW

Teswir ýazmak üçin Içeri giriň ýa-da Agza boluň →!