Täzeje
 Zehin [off]
 30.05.2025 / 23:12

Kalbym gussalardan ynja batanda,
Ýene sen,
          Ýene sen ýadyma düşýäň.
Günler ýaşyp erteler daň atanda.
Ýene sen,
          Ýene sen ýadyma düşýäň.


Bahar gelip gülläninde, erikler,
Güýz bedenin tireninde derekleň.
Birleşende iki juwan ýürekler,
Ýene sen,
          Ýene sen ýadyma düşýäň.

Wah, ýat gursun ýazyp otyr baryny,
Söýyändir herkimem mençe ýaryny.
Güýz sowlup, gyş sepende garyny,
Ýene sen,
          Ýene sen ýadyma düşýäň.


Aý görünip gökde, güneş batanda,
Ümsüm gijelere gulak asamda.
Ýagmyr ýagyp, ýyldrymlar çakanda,
Ýene sen,
          Ýene sen ýadyma düşýäň.

Duýgularma bilmänimde bäs gelip
Utup bilmän, utulsamda pes gelip,
Düýşürgäp oýansam käte tisginip,
Ýene sen,
          Ýene sen ýadyma düşýäň.



Gurbanmämmet MEREDOW.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!