Täzeje
 Guzelim [off]
 15.06.2025 / 21:03

Ýazýaryn ýene-de sen hakda kyssa,
Saňa bolan söýgim mydam iki esse,
Dertlerim köpelip, bataýsam gussa,
Öçmejek çyragym, ýagtymsyň, käbäm.

Ýylgyrşyň bezeýär ýüregmiň törün,
Beren wesýetlerňi berk saklap ýörün,
Bu jahanda ähli baýlygym, barym,
Köňül içre baky tagtymsyň, käbäm.

Borjumdyr hemişe pendiňi almak,
Her pendiňi diňläp, kalbyma salmak,
Ömürboýy mydam seň bilen bolmak,
Iň ajap, iň süýji wagtymsyň, käbäm.

Alladan dilegim uzaltsyn ýaşyň,
Perzentleň öňünde dik bolsun başyň,
Bu älemde mydam ýalňyz syrdaşym,
Maňa baky berlen bagtymsyň, käbäm.

Dawut Hojageldiýew

Teswir ýazmak üçin Içeri giriň ýa-da Agza boluň →!