Sebap : Söýýän adam wagt tapar, bahana däl

 Betinden
 Sebap [off]
 16.06.2025 / 19:46
 Lekum dinukum we liýe din

Kändir kitap dürli-dürli,
Käsi ýüzleý, käsi syrly.
Käbir kitap okalmadan,
Bolup giden daşy kirli.

Kä kitabyň manysy zor,
Geler okasyň ony zol.
Emma käbir kitaplaryñ,
Rüstemdir özünden awtor.

Syn salsaň okyjy her hal,
Kitapda-da ýok däl ykbal.
Käsi okalmazam asla,
Käsi okalmadan sal-sal.

Ýatsa hiç okalman tozap,
Ýazylansoň çekip azap.
Beýle kitap içi göýä,
Harytsyz duran bir boş gap.

Emma şadessan “Görogly”,
Ajaýyp ykbala bagly.
Ol ýöne bir kitap dälde,
Öz halkynyň söwer ogly.

Bu eserde awtor eräp,
Şondan dessan galan döräp.
Eser zor gelip awtordan,
Awtorsyz başlapdyr ýöräp.

Her şahsy onuň awtory,
Awtor okyjylaň bary.
Şonuñ üçin bu kitaby,
Okyjy okamaň zary.

Ýazsaň yazgyl gowy eser,
Gowy kitaplar il gezer.
Bolup senden ýadygärlik,
Adamzadyň ruhun bezär.

Bayram Rahmanow
“ASMANYÑ ASTYNDA,ÝERIÑ ÜSTÜNDE” atly goşgular kitabyndan.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!