Dreamfull : Слёзы — это средство вымывать боль из души и сердца.

 Täzeje
 Guzelim [off]
 Düýn, 23:16

Gep-gybatdan daşmydyñ?
Örtüpmidiñ bedeniñ?
Baýyñ, barlyñ ýanynda
Üýtgäpmidi edebiñ?

Kazañ barmy? Kemlimi?
Başyñ sejdä degdimi?
Ýeñdiñmi sen nebsiñi?
Ýa-da nebsiñ ýeñdimi?

Kyrkdan birin dözdüñmi
Garybyñ aç garnyna?
Nalapmydyñ barlykda?
Çydam etmän bir güne...

Ertirden agşama çen
Aç galdyñmy birje Aý?
Ýürekden ýalbardyñmy?
"Bagyşlaber jan Hudaý!"

Sypata at dakdyñmy?
Umytlary ýakdyñmy?
Bir kişini agladyp,
Başga gülüp bakdyñmy?

Haram satyn aldyñmy?
Malyñ isrip etdiñmi?
Göwnün ýykyp, ejeñi
Ýalñyz goýup gitdiñmi?

Şygyrmydy okanyñ?
Ýa-da aýat süremi?
Näçe wagt päk sakladyñ
Tämiz berlen ýüregi?

Imanyñ düzüwmidir?
Kadara, ahyrete.
Musa, Isa, Dawut kim?
Uýduñmy Muhammede?

Ýalan-ýaşryk aýtdyñmy?
Haky barmy bir guluñ?
Ozal pikirlendiñmi?
Jennetmidi arzuwyñ?

Meýhana aýak sekdiñmi?
Ýa igenen bolduñmy?
Käbä togap etdiñmi?
Ýa bigeleñ bolduñmy?

Diniñi öwrendiñmi?
Soñ başga öwretdiñmi?
Ýa-da ýagşy işlerde
Ýokduñmy? Seýrekdiñmi?

Hatadan, ýalñyşdan soñ
Ýetirdiñmi tobañy?
Getirdiñmi dolduryp?
Iman atly torbañy...

Allah diýip bäş gezek,
Ýuwýarmydyñ gollaryñ?
Ýa dünýäde galdymy?
Seniñ ähli goldawyñ...

Pälwan Aşyrow
@kalpdançykansözler

Teswir ýazmak üçin Içeri giriň ýa-da Agza boluň →!