BAYOGUL : İndi kim söýýän diýse näçe günlik diýip sorajak .

 Özümiziňki
 erkin1997 [2m]
 Düýn, 23:31
 Durmusda dine ustunlik

Hyýallaryň reňki müň däl, milliondyr,
Arzuwlardan ysy geler obamyň.
Iller näme diýse, dogry şolaňky
Şäherleşmän geldi kalby Gurbanyň.

Gyzylguma gije düşse irkilýän,
Gumaksy köçämde üýrer itlerem.
Giden mellek,
Dowarlar hem garalar
Bulardan aýrylyp asla gitmerin....

Ýap gazýaryn,
Suwarýaryn ekini,
Bu ýyl nardan bol hasyla umyt bar.
Agaran saçymy arzuwlan gyzlar,
Hojalykçy gözleýänim unutmaň.

Maňlaýym süpürip, süzýärin çaýy,
Çyg üzüm dänesi gaçdy käsäme.
Garabaş mallaryň gyşlary ýaly
Agyla basmaly boljak kän saman...

Armamy ýetirýär mäläp goýunlar,
Towuklaň sesler-ä ajaýyp aýdym.
Iller näme diýse, diýsin Gurbanyň
Şäherleşmän oba geleni aýdyň.

21.06.2025ý.

Gurbanmyrat Saryýew

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!