Dünýäde iň howply möýler

Premium

BAY-HAN [off]

Şugün, 12:02
Derdi beren Alla dermanyny hem berer

Salam hormatly agzalar. Tomus paslynda gezelenç edýän ýerleriňizde, obada ýaşaýanlar ýa-da oba baranyňyzda – ot-çöpleriň arasynda her dürli janly-jandarlar bardyr, nirede haýsy jandara duş geljegiňiz belli däl, şoň üçin seresap boluň!
Indi bolsa adam saglygyna zyýan ýetirip biljek iň howply möýler hakynda gysgaça tanyş bolalyň.

1. Gezmeleýän Braziliýa möýi.

Ctenidae maşgalasyndan bolan bu möýiň zäherinden alymlar täze derman serişdesini ýasamakçy bolýarlar. Esasy mekany Günorta Amerika: Kolumbiýa, Ekwador, Peru, Braziliýa, Surinam we Gaýana.
Ginnesiň Rekordlar kitabyna giren bu jandara başgaça “banan möýi” hem diýilýär. Çünki ol esasan banan agaçlarynda ýaşaýar we gije awa çykýar, gemrijiler we süýrenijiler bilen iýmitlenýär. Adamyň üstüne topulmasalar hem, özlerini goramak üçin çakýarlar.
Bu möýüň zäheri ilki bilen gana geçýär we demgysma döredýär, ysgynsyzlyk peýda bolýar, hat-da ýüregiň hem işini duruzýar. Eger 15 minudyň içinde lukmançylyk kömegi edilmese, adam jan berýär.
Göwresi 5 sm, aýagy 18 sm bolanlygyna garamazdan, bu möý assyrynlyk bilen hüjüm etmäge türgenleşendir we ýarym metr aralykdan bökmäge ukyplydyr.

2. Kerep pürkýän Sidneý möýi.

Banan möýünden tapawutlylykda, bu jandar ýaşaýyş ýerlerde köp gabat gelýär we adam pidasy ençemedir.
Göwresi 10 sm, reňki gara ýada mele bolup esasan Awstraliýada ýaýrandyr. Bu möýüň ýene bir täsin tarapy – ol uzyn we ýiti dişlerini diňe bedene däl eýsem dyrnaga-da çümdürýär, esasanam çagalaryňka. Şonuň üçinem Awstraliýanyň ýaşaýjylary öýlerinde bu möýüň zäherine garşy derman saklaýarlar.
Möý çakansoň dem alşyň kynlaşmagy, tüýkülik ýygnanma, myşsalaryň gysylmagy we aňyň bulaşmagy ýüze çykýar. Tiz lukmançylyk kömegi ýetişmese adam özünden gidýär we jan berýär.

3. Gara dul.

Günorta we demirgazyk Amerikada ýaýran möýüň bu görnüşi öz adyny - jübütleşensoň erkek möýüň urkaçysyny iýýänligi sebäpli galan diýip hasaplaýarlar. Şeýlelik bilen maşgalanyň heniz ukyply bolmadyk kakasy, geljekki möýjagazlaryň önüp-ösmegi üçin ýokary derejede iýmitlendirip biljek esas bolup galýar.
Zäheriniň düzümindäki neýrotoksinler damara düşensoň çalt ýaýraýar we damar çekme ýüze çykýar.
Ýene bir bellemeli zat: bu möýüň kerebiniň berkligini polat bilen deňeşdirýärler. Şonuň üçinem alymlar gelejekde gurluşyga gerek boljak berk material öndürmekde bu kerebiň ýüplüginden peýdalanmagy göz öňüne tutýarlar.

Internetden terjime edip taýýarlan: Baýhan Alyýew.