Ynam bolsa

Içeri gir

Agza bol

Yurekdesh.ru saýtynyñ android programmasy

Ýürekdeş sözler!

BAYOGUL : garybyň içmeýän süýdüni baýyň iti içýän bolsa maňa bu dünýäň adalatyndan söz açmaň

Forum | UMUMY BÖLÜM | Şygyryýet dünýäsi

Ynam bolsa

Täzeje
medet_mededi [off]

Şugün, 02:35

Kä suwdan çykaryp oda salýandyr,
Seriňde arzuwlar aşa kän bolsa.
Arzuwlary wysal edip bolýandyr,
Ýüregiňde ynam ýaşaýan bolsa.

Ynançly bendäni gorar Biribar,
Çünki onuň nur imany – dini bar.
Gury agaç pyntyk ýaryp şinelär,
Ýüregiňde ynam ýaşaýan bolsa.

Kynçylygy dişiň gysyp çekersiň,
Ýetilmejek menzillere ýetersiň,
Üstünligiň çür başyna çykarsyň,
Ýüregiňde ynam ýaşaýan bolsa.

Gülki – görübilmeýänden ar alyş,
On sany gussany bir gülkä çalyş.
Mydama ýanyňdan aýrylmaz ýeňiş,
Ýüregiňde ynam ýaşaýan bolsa.

Öwseler-de seniň iridigiňi,
Unutma, milýarddan biridigiňi!
Subut eder durar diridigiňi,
Ýüregiňde ynam ýaşaýan bolsa.

Medet MEDEDOW

Teswirler:

Betinden
Sebap [off]
Lekum dinukum we liýe din
Şugün, 06:06

+1

Sizem goşgy ýazmaýaňyzmy?

Täzeje
medet_mededi (Şugün, 08:51)

Sebap, Hawa

Betinden
Sebap [off]
Lekum dinukum we liýe din
Şugün, 06:11

+1

Galamyňyz ýiti bolup, üstünlik hemraňyz bolsun

Täzeje
medet_mededi (Şugün, 08:51)

Sebap, Sag boluň, aýdanyňyz gelsin!

Premium

Belki [off]
Söýenler terk edýär, a söýgi baky!
Şugün, 07:51

+1

Berkje murapbag bolupdyr. Berekella!

Täzeje
medet_mededi (Şugün, 08:53)

Belki, Sag boluň!

Özümiziňki
Gulmahrem [off]
Şugün, 08:04

+0

Ynançly bendäni gorar Biribar,
Çünki onuň nur imany – dini bar. 👍

Aýtdyma saýtymyzda-da kämil şahyrlarymyz bar dp. Bukulup oturan başga-da bardyr. Ýüze çykmaýarlar.
Ýakymly goşgy eken. Dowamly bolsun!

Täzeje
medet_mededi (Şugün, 08:54)

Gulmahrem, Sag boluň, minnetdar!

Teswir ýazmak üçin Içeri giriň ýa-da Agza boluň →!

Soňky teswirler