Sohbet_Dowletow : Yarınlar olsun diye, yarınlarından vazgeçenler var!

 Özümiziňki
 medet_mededi [off]
 Düýn, 17:49

Ýüregimi gobsundyrdy öňküden,
Elimden erkimi aldy gözleri.
Görmesem,
ýürege bir zat sünjüler,
Aýdybam bilemok söýgi sözlerin.

Ony ýatlap, gussalarmy taşlaýan,
Arasynda ýylgyrmany çykardym.
Ýürek öz-özüni tijäp başlaýar,
Agyr gelýär, diňe gerden çekerden.

Duýmaýan deý meniň düşen halymy,
Gülmek bilen yşk oduny tütedýär.
Syrly çekip ýörün söýgi zaryny,
Kä güldürýär, käte bolsa lüt edýär.

Ol meniň göwnüme şeýle hoş ýakýar,
Mähir bilen sowuk kalbym ýylandy.
Meniň ähli dertlerimi boşadýar,
Ýanymda ýeke-täk şatlygym galdy.

Şemala oýnaýar saçlarnyň tary,
Ak alnyndan öpýär Günüň şöhlesi.
Diňe meniň üçin aýdylýan ýaly,
Gulak bolup diňleýärin şol sesi.

Men ony durmuşda bagtly ederin,
Ýaş aksa gözünden begençden akar.
Men bagtyma hökman bir gün ýeterin,
Ykbal maňa Gün deý ýylgyryp bakar.

Medet MEDEDOW

«Garagum» žurnaly 📚
2024ý.

Teswir ýazmak üçin Içeri giriň ýa-da Agza boluň →!