@menin_dunyam : Ol bir gűn dolanar diÿme. Ertirimize hem ynam yokka @menin_dunyam

 Özümiziňki
 medet_mededi [off]
 Şugün, 00:51

Ak şäher Aşgabat.
Seýilgäh bagy.
Elim gülli talyp gyza garaşýan.
Sowgadymy görüp begener ýaly,
Elim gülli talyp gyza garaşýan.

Duýdurypdym, «barýan» diýip söz berdi,
Ol gyz maňa dözermi ýa dözmezmi?
Oňa duşup juwan kalbym özgerdi,
Elim gülli talyp gyza garaşýan.

Gül meňzini görsem tutulýar demim,
Söýýänimi aýtjak tapyp bir çemin,
Ynanýaryn sözüm ýykmaz ol meniň,
Elim gülli talyp gyza garaşýan.

Gaty köp okaýar, söýýär kitaby,
Ony has bezeýär gyzlyk ejaby.
Şol hanymyň boljak bolup jenaby,
Elim gülli talyp gyza garaşýan.

Köp täsinlik görüp bolýar gülşünde,
Täsinlik bar söýgiň kalba çümşünde.
Huşumda däl, her gün agşam düýşümde,
Elim gülli talyp gyza garaşýan.

Medet MEDEDOW

Teswir ýazmak üçin Içeri giriň ýa-da Agza boluň →!