BAYOGUL : Ýanymda bir adamlyk ýer ba welin ol adamlyk sende ýokda.)

Premium
 Belki [off]
 Düýn, 17:18
 Zyndan kändir -- men taşlara zyndan ýok.

HOŞHALYM...

Hoşhalym sen,
Yrananda ýazgydym,
Öwrüldiň-de on üçünji synama.
Uklan galan umydymy yralap,
Doga-dileg bilen ýalbaran çagyň
Garamaňlaýdaşyň şeýdip synana...

Gözüňden ýaş dökdüň,
Meger, gözýaşyň
Her damjasy niýet-pälim ýuwýardy.
Häzir bir Allanyň özünden başga
Ýalbaryp, gözgyny bolmajakdygňa
Buýsanjym ýüregmi myjap-owýardy.

Alaçsyz sen,
Saza höküm ýöreden,
Elleriň degende göýdük gursagma.
Seni näler küýsän tenha oglanyň
Häzir bagra basmaýanna torsarma.

Hoşhalym!
Şu hala gyýylmagyn hiç,
Çyzgalan täleýmiň azaşdy päli.
Köne-küşül goş-golama meňzeýän
Ah, ýigrim sekiziň duýgusy däli.

Gynanma!
Gynanýan gyzlar güýçsüzdir.
Güýçsüz elleň bilen neneň saz çaljak.
Dünýäň sazy seňki
Aýdymy meňki,
Ah, ugrumyz hanjak, ykbalmyz hanjak?!

Hoşhalym!
Ykmanda ykbalym häzir,
Darkaşa çagyrýar maňlaýdaşyňy.
Gyýylma! Söz berýän ömrüň soňunda
Gebang deýin güllärin-de, gül bilen
Süpürerin gözden akan ýaşyňy.

Gurbanmyrat Saryýew

Teswir ýazmak üçin Içeri giriň ýa-da Agza boluň →!