Täzeje
 nickname0821 [off]
 26.07.2025 / 11:06

Ýok, lukman, ýüregim hiç kime bermen,
Oň üçin pyçagňy gynama, lukman!
Başga kişiň ýüregini götärne.
Derdi-azar çekerine howlukmaň!

Ony arzan alyp, arzaň satmadym,
Ol maňa berilen ömruň ykbaly
Men ony köçeden gözläp tapmadym,
Indi bun çykaryp berärim ýaly.

Bolgusyz joşanda sesin diňdirdim,
Hak söz diýeninde erk berdim doly.
Men oňa juda kän zehin siňdirdim,
Gel-gel bun çykaryp bermezim ýaly.

Sag günum bäsdeşim ummandy, umman,
Höwesimdi köňlüm alan ýerlerim.
Meniň bu dunýede bir baýlygym bar,—
Olam aýdyp ýetişmedik syrlarym.

Başga biri üçin gursagma kakyp,
Hakyň ýok syryma gulak asmana.
Ýürekler diwar däl,
Oňa çüý kakyp,
Soň şo çüýden başga pikir asmaga.

Nämä degseňizem,
Degmäň ýürege,
Mydam ýürekleri sylamak gerek.
Salmaň ony başga bir del kükrege,—
Agyr düşer del syrlary götermek!

Gurbannazar Ezizow

Teswir ýazmak üçin Içeri giriň ýa-da Agza boluň →!