Çyndanam ederler | YekeTak.Ru

Özümiziňki
Muawiye [off]

Düýn, 18:57

Bu saýt ýatdan çykypdyr, tüweleme agza sany-da artypdyr. Bular ýaly üýtgeşmeleri hiç hili halamok, gynandym. Ýöne saýt üçin peýda, şol sebäplem bimesrep gürrüňlere, pikirlere we mowzuklara çydamaly bolýar. Nätjek, bulam meniň synagym.
Öňräk "söýgüliňiziň aýagy gopsa ýene ony söýermisiňiz" diýlip bir sorag paýlaşylypdyr. Tüweleme adamlaram gaty "dogruçyl" bolany üçin hiç gaýra durman "dogry" zatlary aýdypdyrlar. Üstesine beýle hadysa hemmesiniň başyndan geçen ýaly jogaplary gönimel taýyn dur eken.
Eger beýle hadysa bolsa (bolmawersin) köp kişi öňküsi ýaly söýmezdi, köpüsem bellibir wagt aralygyndan soň terk ederdi. "Ýüregi arassa bolsa boldy" diýýänler-ä 100% taşlardylar. Şol söze üns beriň, kim şeýle diýýän bolsa birinji bilen şol göni tersini amal edýändir. Ýürege hiç kim seredenok, hiç kim. Ýaşlaryň düşünjesini warsaky gürrüňler bilen doldurmaň. Men aýdýaryn size, hiç kim ýüregiňize, nähilekdigiňize kän seredip baranok. Gyzlar-a siziň olara hödürleýän zatlaryňy söýýär. Birinji bilen-ä daş görnüşiňiz idili bolmaly. Soň gyzlara berip biljek zatlaryňyz bolmaly. Gyzam şol zatlara seredip "bu ýigit meni eklärem, goraram" diýmeli. Şu döwürde ortaça ýa-da ortaçadan pes erkekler, gyzlar tarapyndan kän saýlanmaýar. Ýagny ortaça bolan bir gyzyň, ortaça bir erkege göwni ýetenok. Diňe iň ýokardaky az-owlak erkekler köplenç islän gyzy bilen gürleşip bilýär. Şuwagt ýaş erkekleriň (16-22) aglabasynyň hiç hili söýgülsi bolan däldir. Sebäbi gyzlara görä olaryň isleglerini kanagatlandyryp bilenoklar. Ýagdaý şeýlekä, heniz şahsyýeti kämilleşmedik 16-20 ýaşyndaky ýetginjek gyzlaryň aýaksyz maýyp birini söýjegine hiç hili ynanyp oturmaň. Erkeklere-de ynanmaly däl, sebäbi erkekler onsuzam gözellige we owadanlyga gaty uly üns berýär.
Biraz real tarapdan seredeliň indi. Eger-de söýgüli wagty däl-de, aýaly (ýa-da äri) bolsady, onuň bilenem köp ýaşaşyp biri-birini çyn ýürekden söýýän bolsadylar onda maýyp bolan halatynda goltgy bermegi, oňa gaty uly kömek etmegi we söýmegi mümkindi. Sebäbi är-aýal bolanyňdan soň araňyzdaky gatnaşygam has çynlakaý gatnaşyga öwrülýär, resmi taraby hem bar. Toý edipsiňiz, ýüzlerçe adam oňa şaýat bolupdyr. Onsaň gatnaşygyňyzy aňsat-aňsat bozasyňyz gelmez. Ýöne söýgüli wagtyňyz, gatnaşygyň ýaňy başynda ýa-da 1-2 ýylam geçse geçsin beýle zady etmezdiňiz. Aradan biraz wagt geçer we "ejem göwnänok" diýen bolar gatnaşygy keser, ýa bolmasa özi ýuwaş-ýuwaş sowar we soňunda bir bahana gözlär, nirden biljek?
Gatnaşyga başlaňyzda eýýäm ençeme meňzeş häsiýetleriňiziň, islegleriňiziň, düşünjeleriňiziň deň gelmegi esasynda başlaýaňyz. Birini talaplaryňyza görä tapýaňyz. Soňam "bu meniň diýýänim" diýip gürleşip başlaýaňyz. "Ýorogo orosso okon" diýip başlaňzok, "ýorogo orosso okon" diýip dowam eder ýaly.

Forum | UMUMY BÖLÜM | Erkin mowzuklar

Men razy dăldirin

Bir guni

Mollasumakdan

Taparyn

Geliňeý geliň

Geliňeý geliň

Geliňeý geliň

Mollasumakdan

Ýönekeýje sorag✨

Mollasumakdan