Premium
 PeRMaN [on]
 22.08.2025 / 04:46

Bilbil bolsaň saýra jigeriň daglap,
Bir gezek açyljak ýeke gül üçin.
Ýöne ,,Ýanar" diýip garaşma aglap,
Birmahallar ýele giden kül üçin.

Dostuň aglan wagty ýorgana sümme,
Aýtgyn dogry sözi ýüz görüp dymma,
Damsaň damja bolup deňize damma,
Gadyrly bolarsyň ýagsaň çöl üçin.

Aýlawa girginiň bedew at bolup,
Bürgüt ýaly gökden ingin bat alyp,
Ýöne gije üýrme gürji it bolup,
Beriljegi näbelli bir ýal üçin.

Gatyja çöregi halalja iýip,
Alma sat, çokaý sat görmezler aýyp,
Ýöne adam satma bilmezler diýip,
Ynsaby ýuwutma haram pul üçin.

Öwez Kertikow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!