Premium
 Admin [1s]
 05.01.2024 / 18:19
 Başarmajak oýnuňy oýnap oturma jan jigim!

Ajaýyp diýende ajaýyp zatlar göz öňüňe gelýär: irdenki gözüňe düşýän günüň şöhlesi, ýagyşyň şybyrdapjyk ýagýan sesi, ýagyşdan soňky älemgoşar , biri-birine meňzemeýän garjagazlar we ş.m. Bularyň ählisi gözüň bilen görseň ajaýyplykdyr. Ýöne ajaýyplygy görüp ýa-da duýup bilmeýän adamlaram ýok däl(Bikemi ýatlap).Şu sebäpden ajaýyplyk kitapda ýerleşendir diýip çak edýän. Ol çaklamamdaky ajaýyplygy tapyp bilmedim (häzirlikçe) ýöne gözlemämi dowam edýän. 'Inä şu ajaýyp' diýip dostuma görkezýän, ýöne ýene bir ajaýyp jümle gözüňe ilýär. Bularyň soňy ýok. Ýöne okamany dowam etdirmeli.Esasy zat hem şol ajaýyplygy görüp, duýup başarmaly.

Kitapdaky daglaryň üstündäki garlaryň, baýyrlaryň üstündäki çopantelpekleriň ýanynda ýaly özüňi duýmaly. Edil şu pursatda dostumyň bir sözüni ýatlaýyn' Hiç görmedik zatlaryňy kitapda görýäň. Meselem:taryhy kitaplarda Jelaleddiniň mangollara garşy söweşinde sen hem Jelaleddiniň nökerleriniň biri ýaly iň öňdäki hatarda durup onuň sözlerini diňläp duran ýaly... we beýlekiler' we soňunda ' eýýý seredä Daýy' diýişi hiç göz öňümden gitmeýär.

Bir ýerde goşgy okapdym şonda:
- Dünýäniň syryny çözledim welin,
Ol uzalyp dünýäni aýlanyp geldi.
Ýene dowam etdim ol çözlemämi,
Indi ol bu dünýäden çykaýjak ýaly
-diýen jümleler ýadyma düşýär. Munda hem ýazyjy dünýäniň syry diýip dünýäniň ajaýyplygyna düşündimikä diýýän. Olary çözlände bolsa ýene meniň aklyma kitaplar gelýär.

Hiç bir meseläni formulasyz, düşünjesiz çözüp bolmaýar. Anha şol ujypsyzja düşünjeler kitaplarda bar.

Durmuşda sizi gynandyrjak ýeketäk zat: ' iň gowy görýän kitabyňyzyň soňky sahypasy bolsun'.

Meniň maslahatym okaň, ýenede okaň. Dünýäniň syryny, ajaýyplygyny kitaplardan gözläň, ol hökman şol ýerdedir...

Awtor: Piriýew Sähetnazar

Teswir ýazmak üçin Içeri giriň ýa-da Agza boluň →!