Eger meni çekjek bolsaň,
Ýüregmi lowlap duran et.
Jübimde bir it çekip ber,
Özünem uwlap duran et.
Saçam-a gerekdir weli,
Kellämde pikirler bolsun.
Elimde — ýönekeý galam.
Dilimde şükürler bolsun!
Geçen ýolum bilner ýaly,
Köwşümi çekewer köne.
Eşigmi çekeňde weli,
Gaty ünsli bolgun ýöne.
Ýaňakdan syrygyp,
köp däl,
Iki damja ýere aksyn.
Gözlerimde umman bolsun,
Özem olar saňa baksyn.
Durubersin çapyklarym,
Bolubersin ýygyrt, gasyn.
Sünnälemek hökmanam däl,
Çekseň bolýar maňa basym.
Artykmaç hiç zat bolmasyn,
Baram bolsa, ýok edewer.
Bir haýyşym, suratkeş gyz,
Alnymy bir ak edewer.
Melek adynyn dakylmagyny men känbir dogry hasaplamok (öz pikirim öz garaýşymdyr belki dogry gelýandir belki gelýän daldir ýöne meň pikirimde däl)...dowamy...
Içeri gir
Agza bol
Täzeje
Gytyndan
Täzeje
Öwreniji
Betinden
Premium
BAYOGUL [off]
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 