Gytyndan
 Aypipijik [off]
 03.04.2024 / 11:36
 Durmuş doly yenil kelleden#

Berilen ygrarda wepaňda durup,
Geljek ýollaryňa boýnuňy burup,
Ýalňyzlykda arzuw hyýallar gurup,
Iki ýyl garaşmak ýeňil däl ýigit!

Maňa garap dursa ajaýyp bakyş,
Onsoň hiç bir zady görmerin ýokuş,
Az müddetem däl ol iki bahar gyş,
Iki ýyl garaşmak ýeňil däl ýigit!

Jaň ederňe şol garaşyp intizar,
Bir özüm oturyp çekerin azar,
Ýekelikden belki Hudaýam bizar,
Iki ýyl garaşmak ýeňil däl ýigit!

Sessiz halaýan bar habar gatýan bar,
Ondan mundan agyz urup ötýän bar,
Sözünde durmany taşlap gitýän bar,
Iki ýyl garaşmak ýeňil däl ýigit!

Ýekelikde geçmek kyndyr bu ýoly,
Iňňe bilen guýy gazanyň ýaly,
Ine şeýleräjik magşugyň haly,
Iki ýyl garaşmak ýeňil däl ýigit!

Arkaýyn bol men gitmerin özgerip,
Garaşaryn saňa gujagym gerip,
Hatda halym sora delalat berip,
Iki ýyl garaşmak ýeňil däl ýigit!

Ýigitleň içinde ýokdur senden zor,
Bakaryn ýoluňa mydam intizar,
Şeýle päk söýgümi harlamasaň bor,
Iki ýyl garaşmak ýeňil däl ýarym

Süleýman Tekäýew

Teswir ýazmak üçin Içeri giriň ýa-da Agza boluň →!