Öwreniji Muawiye [off] (01.01.1970 / 05:00)

Ýazga düşünmekde gaty kynçylyk çekdim. Hatda 5 gezek gaýtalabam düşünmedim käbir ýerlerine.) Grammatika gaty pesräk.

Sorag başga, jogap başga bolupdyr. Jogap ol soragyň jogaby däl. Sorag ýazgyt barada ýöne ol şahsyýeti kämilleşdirmek kitaplary ýaly birtopar nutuk okapdyr, muňa-da jogap diýipdir we jogaby tapandygyna begenipdir.

"Ynsan dünýä näme niýet bilen indirilýär? Ýazgyt bar bolsa biz nädip saýlap bilýäris, nädip saýlaw hakymyz bolýar?"

Sorag şuny diýjek bolupdyr öýdýän. Bu ýazgyt meselesine, ýazgyt adalgasyna degişli sorag. Adam dünýä indirlenmi, ýa-da indirilmedikmi, ol näbelli. Şeýlelik bilen niýet hem belli däl. Muňa bilim jogap bermeýär. Sebäbi bilim närseleriň üstünde işleýär, barlap, analiz edip bolýan zatlaryň üstünde barlaglar, işler alyp barýar. Ýöne "dünýä indirildikmi?" ýa-da "indiren kim?" soraglaryna degişli, ugur alyp boljak, barlap boljak bir zat, bir ýörelge, bir ýol ýok. Elimizde hiç zat ýok.

Bu soraglara filosofiýa, din, mifologiýalar jogap bermäge synanyşýar. Dine görä bizi Hudaý ýaratdy. Özüne gulluk etmek "niýeti" bilen. Filosofiýa-da bolsa dürli-dürli jogaplar bar. Mysal üçin käbir pelsepewi garaýyşlar bar. Olaryň biri ateizm, muňa görä Taňry ýok we biz bir maksat bilen dünýä inmedik, indirilmedik. Deizme görä bolsa bir ýaradyjy bar, ýöne ol diňe ýaradyjy. Ol din iberenok, adamlara goşulanok, älem bilen işi ýok. Ol diňe älemi ýaratdy, bary işi şoldy. Spiritualizme görä (kän görnüşi bar) Hudaý bilen birleşmek, iň uly zat. Biziň hemmämiz bir kod, bir faýl, biz bir kod hökmünde dünýä geldik we hemmämiz iň uly barlyk bolan Hudaý bilen birleşmek üçin dyrjaşmaly. Adaty adamlar (awam) muny başarmaýarlar, olar dolandyrylmaga mätäç bolany üçin, käbir ideologiýalara, dinlere, garaýyşlara bagly bolup galýarlar we şolar ugrunda öz janynam pida edip bilýär. Bular ulanylmalydyr. Ýöne öz erkini özi sazlap bilýän, eren adamlar bolsa (hawas) Hudaý bilen birleşip bilýärler. Niýet şol. Agnostisizme görä bolsa, biziň bu dünýäde näme üçin barlygymyz bilnip bilinmeýär.

Ýazgyt barada gaty kän zat aýdylyp, çekeleşildi. Ýöne hemmesi diňe bir zada barýar. Olam, ýazgyt bar bolsa, ynsanyň erkin ygtybary bolmazdy.