Betinden
 rexha [off]
 03.05.2024 / 13:46
 En büyük hatanız kör sandınız🍃

Barymdan bazar eýledim,
Käte kemsindim ýoguma.
Bir gün duýgularmy bogup,
Ýanasym geldi ýoguna.
Göwnüme hile gurdurdym,
Urdurdym ýodany, ýoly.
Ähli kişä gyýa bakdym,
Ählisi kastymda ýaly.
Jan berjekdim jan berene,
Janyn berjek tapylmady.
Görmesem diýdim dünýäni,
Göreçlerim gapylmady.
Elden gelse, hemmäñ derdin
Bir demimde ýakjakdym men.
Çoýunara ot boljakdym,
Derýa bolup akjakdym men.
Ata pendin dogry tutup,
Aglatmajakdym enemi.
Jahana şatlyk berjekdim,
Özüm aljakdym elemin.
Ýol tapjakdym ýüreklere,
Mätäçlere gol berjekdim.
Diñe ýeke gyzy söýüp,
Diñe şoña ýalbarjakdym.
Gol buladym salgyma kän,
Elim ýetmedi belende.
Wah, şo mahal ýok ekenim,
Bagt gapym kakyp gelende.
Etsem-petsem kändi juda,
Juda-juda kändi olar.
Ýöne ömrümiñ güýzünde
Ýaprak bolup tändi olar.
Her arzuwmy durmuşyma
Geçirmäge gyssanardym.
Arzuw arzuwlygna galdy,
Wah, ýeñildim gussalardan...
Dat-bidat gygyrdym ençe,
Tapylmady sesim eşden.
Onsoñ zary-zar ýygladym,
Sesimi gizleýip içden.
Tapmakdan umydym üzdüm,
Nirde şatlyk, nirde gowluk?..
Ahyrsoñy bilip galdym
Ýalñyşanmy döräp - doglup.

Sapa.H

Teswir ýazmak üçin Içeri giriň ýa-da Agza boluň →!