Arym alan durmuş (hekaýa)...

Öwreniji
Tm99 [off]

11.05.2024 / 10:18
Betinden seretyan gyzjagazlary eretyan

Her ýylyň tomus aýlarynda "Awaza" üçin Balkanabat şäherden bir oglan goňşymyza myhmançylyga gelerdi. Her ýyl üns bermeýärm, ýöne geçen ýyl birhili ünsümi çekýärdi. Gelşikli, syratly, edepli, uzyn boýly, gür gara saçlydy. Öý eýesem synpdaşym bolansoň onuň bilen salamlaşanymda olam öwran-öwran maňa seredip durýardy. Iki günden soň gitdi. Azajygam bolsa, gynanypdym.
Ine, bir gün adaty gün. Işlerimden dynyp internet sahyplarynda gezim edip ýörün. Köpden bäri Begenç atly oglany mowzuklary bilen teswirlerinden göz öňüme alyp öz ýanymdan halaýardym. Şol gün bolsa, tanyşmana pursat boldy. Özümiň Türkmenbaşylygymy aýdanymda bolsa, "Goňşymyzy tanadyp, şony tanaýarmyň?" diýip sorady. Görüp otursam şo-ol myhman oglan eken. Birhili tolgundymam, begendimem. Soňabaka men oňa "Myhman oglan" diýip ýüzlenýärdim. Olam kyn görenakdy. Biri birimiziň üstünden köp degişýädik. Bir gün biz tarapa ÿolunuň düşjekdigini aýtdy. Geljegini eşidenimde begenip uçaýjak boldum. Sebabi azyragam bolsa, ol oglanda göwnüm bardy. Diýilen günem ýetip geldi. Ýone iki gündür ondan habar alamakdym. Geldim diýibem aýtmady. "Dogry näme üçin aýtsyn" diýip, käte öz-özüme gürläp, gynanýanam.
Men öýüň ýeke gyzy, körpeleri. Bir agam bar gelnejemem köplenç işde. Menden soň işden gelýär. Öýde agam oňa " Işleme öýde otur, öýüň işlerini et ejeme kömekleş, jigimden soň işden gelýäň. Jigime işden soň öýüň işleri agyr" diýse-de, diňläberenokdy. " Men höwäs edip okadym, şu käri halap, şu kärde işlemegi çagalykdan arzuw etýänimi bilýäň-ä sen! Maňa öýde otur diýme" diýip, günaşa günden dawa bolýardy.
Agamyň gözünde gelnejemi beter garalamajak bolup, işden ir çykyp bilsem, ylgap gelýärdim. Naharam, öýem wagtynda taýyn etÿärdim. Şol günem işden ir çykdym. Öýe-de ir geldim. Gelibem nahar, şoruň ugruna çykdym. Jigilerimem gapdalymdan asylşyp "Ol, bu" diýip, gümeýärdiler. Telefony açyp görmäne asyl-ha elim ýetmedi.
Agşamam howa, ýel-tozan bolansoň, howlyň çöp-çalamam artypdyr. Daşaryk çykyp bir gyrada duran süpürgä elim uzaltdym welin, goňşa Begenje meňzeş bir oglanyň girenin gördüm. Içimden "Ýa Begenç geläýdimi-kä?! Aý, ýok gelen bolsa hökman aýdardy. Merdandyrlaý, şolam Begenje meňzäp dura" diýip, pikirlendim.
Merdan meniñ synpdaşym, bir mekdepde bile okap, bir partany bile böleşdik. Maňa köplenç Lälejan diýerdi. Agam ýok wagtam "Lälem" diýip, ýüzlenerdi.
Howlyny süpürip ýören wagtym, Merdan gapydan çykdy. Daş-töwerege garanjaňlap birden maňa gözi düşdi:
-Oh-ho, Lälejan. Daşaryny süpürýäňmi?!
+Howwa burnysumak. Kömekleşmäne geldiňmi?!
-Diýme maňa burnysumak. Çagakam bolaýypdyryn inni däl-ä. Aýý howwa. Aslynda Läläme biziňem gapyny süpürip göýber-ä diýjekdim.
+Bäý-bä başga arzuw-isleg?!
-Sen şony et, galany işi soň aýdaryn
+Aýu, gaýtam gel lakgy-lukgyny azaltda şu sekini süýşüriş!
-Aý meniň muňa ýekeözüm, güýjüm ýetmez. Garaş häzir. "Begenç, hew Begenç" diÿip, öýe tarap gygyrdy.
Tolgunyp, aljyrap başladym. "Begenç gelipdir" diýip, içimden zol-zol gaýtalaýardym.
Gapydan Begenç çykdy. Meni görmändi. Merdan ýagdaýy aýdanda, göni maňa seretdi. Ýylgyryp habar atanyna garaşýardym. Ýok! gaýtam meni görup gaşy çytyldy. Merdanyň sözün ýykmajak bolup, kömekleşmäne geldi. Sekini süýşürdiler. Merdanyň üsti-başy hapalandy. "Gitme häzir, ýene yzyna süýşürmeli" diýsemem, "Arassalap geleýin" diýip, gitdi.
Begenjem ýüzüme gaharly seredip dur...

Dowamy bar.

Awtory: Babaýewa Sofiýa (Xyivenia)

116

Forum | GÜRRÜŇDEŞLIK | Erkin mowzuklar

Dillen..!

Dillen..!

Dillen..!

Dutar heňi🙂

Adamlara ynanyp

💎💎💎💎

💎💎💎💎

💎💎💎💎

Ýüregimiň armanydyr

c/c++ programma dilinde ilkinji programma