Durmuş barada oýlanma

Içeri gir

Agza bol

Yurekdesh.ru saýtynyñ android programmasy

Ýürekdeş sözler!

imissyou : Şeýle bir söýdüm ony, hatda janymdan geçip. Hiç zat bolmadyk ýaly gitdile menden geçip. #imissyou

Forum | GÜRRÜŇDEŞLIK | Gutlaglar we arzuwlar

Durmuş barada oýlanma

Özümiziňki
Gulmahrem [off]

15.07.2024 / 10:48

Giň dünýäde göreşmeli hemişe,
Dostluk üçin, söygi üçin, il üçin.
Şemal deýin öwsüp gelip gidişe,
Baş egmezek, keçjal goja bil üçin.

Dünýäň gözelligi, görki görmegi,
Başyna bagt gonan ynsan bilendir.
Çünki ynsan dünye üçin döremän,
Dünye ynsan üçin döredilendir.

Näçe dik tutsam-da juwan serimi,
Keramat öňünde başymy egýän.
Sebäp keramatdan boljak zat bolup,
Bolmajagyň bolup biljegin bilýän.

Mähir bilen göreçlerňiz dolduryp,
Söyün siz hemişe birek biregi!
Dünye- ýaşaýyşyň gözbaşy bolsa,
Söýgi hem dünýäniň ýalňyz diregi.

Güýz ýetip gelende ýaşyl yapraklar,
Şahalarda Gün nuruna saralýar.
Yapraklar şahadan zemine gaçsa,
Şahalar hem yapragyndan ayrylýar.

Durmuş hatar tutan kerwene meňzäp,
Ençelere bagtdyr, ençä duzakdyr.
Dünyede ebedi bir hakykat bar:
Ömür gysga, durmuş bolsa uzakdyr.