Oýarmañ | YekeTak.Ru

Ýürekdeş sözler!

imissyou : Dünýäde ondan başga hiç kim ýok ýaly hereket etýärsiň diýýäler.Dünýa hakda bilemok ýöne men dünýämde ondan başga hiç kim ýok! #imissyou

Forum | GÜRRÜŇDEŞLIK | Erkin mowzuklar

Oýarmañ

Täzeje
Ahmet [off]

12.08.2024 / 22:36

Oýarmaň

Ýene agyr degýär tapyp yitirmek,
Bu zatlaryň düýşdügini nä biljek.
Heý bolmasa oýanjakmy diýsene,
Şol bar ýerde gaflatda-da säginjek.

Uzakyly gün güňe dönüp gezilýär,
Aňlap ýene şol zatlaryň düýşdigin.
Şonsuz täleýimden gidesim gelýär,
Bilsem-de wah, çykmaz ýola düşdügim.

Mertligiň çäginden geçip bir pursat,
Möňňürip-möňňürip aglasym gelýär.
Ýatlamalaň alawyna kalbymy,
Ýaksam-da çoýunyp çaglasym gelýär.

Külüň sowrup ýatlajagmy bilsem-de,
Gaharyma hyýalymdan ýakýaryn.
Ukysyz gözlerme erkim ýöredip,
Ýene keşbiň görmek üçin ýatýaryn...

Çytyk gaşlam biraz gowşaşan bolsa,
Soluk ýüzüm oňküden has nurlansa.
Buýra saçlyň dergähinde şo mahal,
Bulaşyk ykbalym biraz durlansa.

Bolmajak arzuwyň wysal wagtynda,
Reňksiz ömrüm gül keşbine boýalman.
Men özüm bu düýşden oýanman asla,
Haýyş edýän sizem meni oýarmaň.

Ahmet Arazow

140

Teswirler:

Premium

Belki [off]
Ýaşaýyş-- düýş! Sen meň düýşüme girdiň!
13.08.2024 / 22:21

+0

Ahmet, salam. Seni bu yerlerde gormek gowy. Senem su bir gyza asyk bolsan bar gosgynda wasp edyandeyt. Öñ-ä garayagyz gyz is boldy, indem buyra sacly gyz