Yekejelai : Kemçiliksiz adam ýokdyr, şonuñ üçin galamda pozguç bar.

 Täzeje
 Ahmet [off]
 15.09.2024 / 09:53

Şahyr söýse
Şahyr söýse kim bolmaly, hany, aýt...
S.Geldiýew

Şahyr söýse hut ynsana öwrülýär,
Öz oýundan, dünýäsinden daşlaşyp.
Onsaň olam bir ynsana höwrügýär,
Bagta salam -- gussa bilen hoşlaşyk.

Tapmaz dertlerini kalpda düzülen,
Asyl öz ýüregin tapman gezer ol.
Öňler müňläp ykbalara dözülen
gijeleri bir ynsana dözer ol.

Öz şatlygy bilen öz derdi bilen,
Ýaşar ýörer soňra iliňka meňzäp.
Harasat gelse-de kär etmez kileň,
Ummana goşulan siliňkä meňzäp.

Şahyr söýse ynsan bolýan ekeni,
Yşky ony ol yşkyny haklasa.
Ýöne gülüň ýaralasa tikeni,
Soñ ýene şahyrlyk.
Hudaý sakalsyn.

Ahmet Arazow

Teswir ýazmak üçin Içeri giriň ýa-da Agza boluň →!