Madelyo : "Abraýyňa görä gürle diýseň, sesi çykmajak adamlar bar"

 Öwreniji
 ***** [off]
 28.09.2024 / 15:18

Dünýä indi, päkdi perişde ýaly, Ykbalyň oýnundan entek bihabar.
Ýowuzlyklar, ajy durmuş öňdedi,
Entek ataň nämedigni bilmänkä,
Atasyn elinden alypdy "gabyr".
Neneň dözýäň, ýetim goýup balany,
Bilenok ahyryn "agy, garany".
Çarhy pelek pylçap urdy ýene-de,
Öň pedersiz bolsa, indi enesiz,
Şeýdip "durmuş dörjeledi ýarany".
Wah,
gözlerni balkyldadyp enaýy,
Neneň dözdüň, alyp elinde baryn.
Heý, ýetimlik ýaly ýaman zat bormy?
Kim ajasyn çagajygyn halyna?
Indi kime duýdurmaly ahwalyn?
Durmuşyň hupbatyn çekip gerdende,
Ulalypdy mamasynyň elinde.
"Mama ejem kimaý, nähili keşbi?"
Her gezegem şeýle sorag berýärdi,
Öz gundagly suratlarny görende.
Ine bu gezegem ýene şol sowal,
"Meňzeýänmi, şuň ýanynda duramda".
Gözýaşyny saklap bilmän mamasy,
-Edil mährem käbäň ýadyma düşýär,
Her gezegem seň didaryň göremde.
Olam seniň ýaly derek boýludy,
Saryýagyz, seňki ýaly ýüzleri.
Ömrüň bir ejeňkä meňzemäwersin!
Armanly gitdi-dä balasyn taşlap,
Seňki ýaly manylydy sözleri.
Bagtyň bolsun, güler ýüzüň solmasyn,
Ýan ýoldaşyň güler ýüzün soldurma.
Zähmete werdiş bol, çaý, nanyn berip,
Arassa tut öýüň, çagaň, daşyňy,
Tasaňsyrap duşmanlary güldürme.
Säher bilen syryp, suwlap daşyňy,
Il örmänkä darap bolgun başyňy.
Balalaňdan aýama hiç öwüdiň,
Gysganma, ýaryňa bagş edip söýgiň,
Arassa saklagyn egin-başyny.
Pent bolsun jan balam şu aýdanlarym,
Ojagyňy, alawyňy öçürme.
Bala çagalarňy jemläp daşyňa,
Bilýän zadyň öwret, görelde bolup,
Işlisiräp namazlarňy geçirme.
Jan balam gülüp gelip, gülüp git,
Gaýnataň, gaýnagaň hormatyn sakla.
Çaý-çöregni hiç kem etme öňünde,
Hormatyny gazan, hem şol ojagyň,
Ar-namasyn sakla, duzuny hakla.
Wah,
ejeň pahyr diri bolsa aýatda,
Öwdün gaýgyrmazdy gerek ýerinde.
Özem görmän ötdi bala bagtyny,
Ýetim diýmän hossar çykardy derrew,
Kemsitmezdi ejizläni görende.

Teswir ýazmak üçin Içeri giriň ýa-da Agza boluň →!