Belki : Her gün adyñy gaýtalap oýanýan günlerimden "Dogrudanam, näme-däý ady?" diýýän günlerime çenli ýol geçdi ýüregim #Belki

 Gytyndan
 yurekdes [off]
 23.12.2024 / 00:45
  Diller dymýan wagty, gözler gürleýä...

Giç bolan eken

Dostlugyň içinde söýgüni bukup,
Ykbalmydy bizi bagta dözmedik.
Ýygralyk çygryndan bilmänsoň çykyp,
Yşgyň syrly matalyny çözmedik.

Çagalykda gülüp, oýnap tersleşdik,
Açdyk gözümizi mekdep töründe.
Kalbyň düwünçegin çözüp dertleşdik,
Geljege bolsady ekipdik şonda.

Göz ýetim ýakyn biz, ses ýetmez uzak,
Ýürek syryň aýan edýär gözleriň.
Göwün paltam daşa degip her gezek,
Hyýalymda herýan ýüzdi sözlerim.

Meniň ýygralygym, seniň eja:byň,
Bir-birine el galgatýar serhetden.
Ýyllar öz emrine eýleýip tabyn,
Herimizi çykarypdy bir çetden.

Duýgulam seýisläp bilerme çenli,
Eýýubyň sabryna dönüpdi meňkem.
Gapyňy kakypdym, ellerim gülli,
Giç bolan eken...

© Süleýman TEKÄÝEW

Teswir ýazmak üçin Içeri giriň ýa-da Agza boluň →!