BiReYsEl : Garaşmak gowy zat,dogry adama dogry duralga-da!!!_BiReYsEl

 Özümiziňki
 Gerceknazar [off]
 28.12.2024 / 20:21
 Kanagatly bende baýdyr soltandan

YLHAM PERISINIŇ PYŞYRDYLARY

Diň sal !
Şemal şuwlap aýdýar şulary
Ylham perisiniň pyşyrdylarny.

"Men saňa syrly söz tapyp bermeýän,
Öň tapan sözlermi almajak bolsañ.
Düşün, şahyr dostum ylham gelmeýär
Her sözüñ gadyryn bilmejek bolsañ !

Tebigat şygryny aýdýar-a eştseñ,
Onuñ aýdanlaryn ýazybermeli.
Gözel goşgy bolar keşbini çekseñ,
Gara galam alyp çyzybermeli.

Sözüñ eliñdäki guralyñ bolar,
Näme ýasajagyñ özüñe bagly.
Bir zat ýasap bilseñ, seni şa kylar,
Zat ýasap bilmeseñ bolarsyñ ogry.

Dogry, ogrylañam edehedi bar,
Gerekmi görenñi aljak bolmaklyk ?
Ýazylmadyk sözi ýazjak bolmaklyk,
Edilmedik işi etjek bolmaklyk.

Her sekunt , her zadyň gadyrny bilgin,
Soň yzyna dolap bolmaz gideni.
Galam, kagyz hergiz ýanyňda bolsun,
Gelen wagtym derrew söhbet edeli."

Gulak goý barlyga, duýgun sen ony,
Diňle şemal şuwlap aýdýar şulary:
"Ýazyp bilseň şudur,
Iň şirin şygyr,
Ylham perisiniň pyşyrdylary".

Gerçeknazar Amannazarow

12.2024

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!