Dreamfull : Be the most important person in your life. You matter

 Gytyndan
 Sebap [off]
 29.12.2024 / 15:49
 Lekum dinukum we liýe din

Eý, ýaranlar, ömrümden,
Geçdi diýip aglaryn.
Gitdi aklym ornundan,
Çaşdy diýip aglaryn.

Giden dönmez ýolundan,
Düşmez ýaman pälinden,
Diýanat halk elinden,
Uçdy diýip aglaryn.

Häzir biziň zamanda,
Ýaman sözler zybanda,
Zulum işler jahanda,
Joşdy diýip aglaryn.

Bu eýýamda betkärler,
Ýüz dil bile aldarlar,
Hany niçe dildarlar,
Geçdi diýip aglaryn.

Niçe sada deň-duşlar,
Şeýtan biligin başlar,
Ýüz çöwürip gardaşlar,
Gaçdy diýip aglaryn.

Görüň pelegiň oýnun,
Üzer alymyň boýnun,
Niçe janlar ýer goýnun,
Guçdy diýip aglaryn.

Magtymguly diýr merde,
Dünýä bentdir, ten perde,
Bir başym sansyz derde,
Duşdy diýip aglaryn.

Awtory: Magtymguly Pyragy

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!