yureksiz : biri var.. ne özlemekten yoruldum ne-de sevmekten..#fileo

 Gerekli
 Sebap [off]
 01.01.2025 / 10:23
 Lekum dinukum we liýe din

Ömür berilmeýär adama iki,
Şonuñ üçinsöýlüp,söýüp ýaşa sen!
Özüñi il-güne sylatgyn ilki,
Gezegiñde hormat goýup ýaşa sen!

Eneñ aýamady mährini,süýdün,
Onuñ mele-myssyk çöregin iýdiñ,
Gije ýatman ören jorabyn geýdiñ,
Mähriñe çoýduryp,çoýup ýaşa sen.

Mydam wepadar dost gurşasyn daşyñ,
Dostuñdyr gorajak köp howpdan başyñ,
Şeýle çyn dostuñdan gysganma aşyñ,
Gezegiñde bile iýip ýaşa sen.

Atañdyr bu dünýä gelmegñe sebäp,
Bakdy seni halal ýollardan ýöräp,
Indi senem oña gaýtargyn jogap,
Gezegiñde oña uýup ýaşa sen.

Goý derden garalsyn akja köýnegiñ,
Il gün üçin ylga,gyna toýnagyñ,
Zerurdyr Watany jandan söýmegiñ,
Gezegiñde şandan doýup ýaşa sen.

Toýuñda ýasyñda ylgar ýakynlañ,
Şolarly añsat bor ençeme kynlañ,
Olary görende saçak ýaz giñden,
Gezegiñde “Sag bol” diýip ýaşa sen.

Bir gün geler, biri eli çalgyly,
Garadyr geýimi, senden algyly,
Algysyn alansoñ ine sen öli,
Gezegiñde şony duýup ýaşa sen
.
Terezä goýarlar sen we señ günäñ,
Garşyñda bir otly, bir otsuz bina,
Hemaýatyn etmez funt,ýewro, dinar,
Gezegiñde halal iýip ýaşa sen.

Awtory: Kerim Hallyyew.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!