Perman : Hiç kimem adamy öz-özini aldaýşy ýaly aldap bilmeýär.

 Gytyndan
 yurekdes [off]
 03.01.2025 / 12:37
 "Meñ ýűregim sowady indi gelme űşärsiñ"

Men

Nobatguly Rejebowyň äheňinde

Gara çynym bilen öwünjek şu gün,
Ynanjaňlar biljek bolsun pal atyp.
Men dünýäniň açylmadyk genisi,
Men dünýäniň bilinmedik halaty.

Gözlerme deňedim dünýäň ahwalyn,
Aýatlaryn ýat bekledim Kuranyň.
Agşamlaşdym, ýagyşlaşdym, aglaşdym,
Şu gün irdenleýşi ýaly Suraýyň.

Men bir lapykeçiň romantikasy,
Asmana baş bermän, ýerde dörän men.
Size ýeriň astynda-da peý bermen,
Ynanmadyk gelip, ölüp göräýsin.

Men bir bagty gelen tragediýa,
Tiken men biwepaň dodagna çümen.
Gar aklap bilmeýär gara maňlaýy,
Gar däl men, betbagta gowşurlan çemen.

Däli bolup, akyp ýatyr hakykat,
Ala düşen başlar yranmaýarlar.
Gara çynym bilen öwünjek şu gün,
Barybir maňa hiç ynanmaýarlar.

Eziz Amannazarow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!