@menin_dunyam : Ol bir gűn dolanar diÿme. Ertirimize hem ynam yokka @menin_dunyam

 Gytyndan
 Baron [off]
 07.01.2025 / 10:08
 “Her setirim ruhumdaky ýaramdyr...”

Gybatkeş tanşym bar diýseň zehinli,
Hakdan içen diýsem, lap etdigim däl.
Görmegeý gelin ol otuzdan geçen,
Görküni mazamlap, gep etdigim däl.

Adyn aýtsam, menem bolaryn gepçi
Tapawudy näme, Jerenmi, Maral?!
Gybat gahrymany, gybat ussady,
Hakyky hünärmen, işine jür ol.

Gündelik habarlaň täzelikleriň
Şeýle bir täzesin getirýär weli,
“Iň täze habarlar” gepleşiginde
Ediljek özüni oturdaýmaly.

Ýok, diňe bu hem däl, meşhur Ginnesiň
“Rekordlar” kitabna girizäýmeli.
Wah, oňa girensoň dymsa ne ýagşy,
Ýöne ahmal şonam irizäýmegi.

Öňüne geçen ýok häli-häzirem,
Gybat diýip, gör, nirlere gitjek ol!
“Häsin” berip, sähel gulak gabartsa,
Ölüler bilenem gybat etjek ol.


©Baýram ÝUSUBOW

Teswir ýazmak üçin Içeri giriň ýa-da Agza boluň →!