I_miss_you : Söýgi urşa meňzeýär: başlamak aňsat, gutarmak kyn, ýatdan çykarmak mümkin däl. ???Hemmezat görnüşi ýaly däldir, gündiz gülýän gije aglaýandyr..

 Gytyndan
 Baron [off]
 20.01.2025 / 08:56
 “Her setirim ruhumdaky ýaramdyr...”

Bahar jümjümesin dokap ýördi hut,
Guşlar saýramaga küýlendi şonda.
Pyntyk açan duýgularmyz...
17...
A sen aýtman-diýmän öýlendiň şonda.

180 dereje birden nurly Gün,
Güneýden Kuzeýe aýlandy şonda.
“Men dünýäniň niresinde galdymkam?”
Sen öýlendiň şonda,
Öýlendiň şonda...

Burç ýasady asman,
Bulut çakyşyp,
“Güýjüm bolsa uçjak”,
Şaýlandym şonda.
...Ýördük biz käwagt ogryn bakyşyp,
“Ýöne sen näme üçin öýlendiň şonda...”

Toý...
Gelnalyjy...
Küşt depmäge ýeňňeler
Hem-de ýigit-gyzlar aýlandy şonda.
Sumat bolduň,
Tapylmadyň iki gün.
Ýöne başga gyza öýlendiň şonda.

Ýyl geçdi.
Geçdi aý.
Ýyldyzlar öçdi.
Seçdi durmuş seçjegini biz üçin.
...Maňa ençe gezek näme üçindigin
Düşündirjek bolup şaýlandyň şonda.
Ýöne içimi bir ses iýdi durdy:
“Näme üçin duýdansyz öýlendiň şonda?”

So-oň “Bagyşla ” diýdiň — Bardy sebäbi...”
Ýuwdunyp daşymdan aýlandyň şonda.
Meniň gözlerimde sorag belgisi
aglap duran borly:
“Näme sebäpli
Meni ýalňyz goýup öýlendiň şonda?”

Başyň goýup egnimdäki gyňaja,
Meni söýen gözleň çyglandy şonda.
Düzedip bolmajak ýalňyş edipdiň:
“Ýaryň taşlap, nädip öýlendiň şonda?”

Diňlemedim belki,
Aýtjak bolupdyň:
“Söýmenmi seni?”
Şu sözi diýmäge peýlendiň şonda.
Emma meň kamatym ýeke soraga
Öwrülip gidipdi:
“Öýlendiň şonda?”


©Oguljennet BÄŞIMOWA

Teswir ýazmak üçin Içeri giriň ýa-da Agza boluň →!