Belki : Bu gün hossarlarym maña görmegeý, akylly ömür ýoldaşy arzuw etdiler. Gulagyñ şyñladymy? #Belki

 Gytyndan
 Sebap [off]
 18.03.2025 / 00:17
 Lekum dinukum we liýe din

Gel, söhbet edeli Nuhuň döwründen,
Kim saňa hyrydar bakmady, çynar?
Seniň ömrüň uzak adam ömründen,
Kim saňa ýüregin dökmedi, çynar?

Bir özüň saýlanýaň baglar içinde,
Toý toýlansa, gyzyl çoglar içinde,
Alysdan görünýäň zawlar içinde,
Kim seniň üstüňe çykmady, çynar?

Saýaňda düşländir mertleriň merdi.
Senden pata alyp, sahawat gurdy,
Mergenleriň ýagyň gözünden urdy,
Kimler sary ýaýyn çekmedi, çynar?

Kölegäňde alty ganat ak öýler
dikildi, tutuldy haşamly toýlar,
Bir saňa sygyndy garyplar, baýlar,
Hiç kimiň göwnüni ýykmadyň, çynar.

Ýapraklaryň owaz edýär, saz ýaly,
Sülmüräp otyrsyň uly gyz ýaly,
Näçe taryp etsem, ýene az ýaly,
Ah, şonda-da eräp akmady, çynar.

Aýlar, ýyllar akyp barýar suw ýaly,
Sen ýaýrap gidipsuiň seriň howaly,
Kim bermedi, menem berýän sowaly,
Göwnüm üçin çawuş çakmadyň, çynar.

Ýylgaý Durdyýew

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!